Jólakveðjur!

 

Megi jólin og áramótin verða ykkur góður tími á hverju sem gengur! Gleðileg Jól!

Kærar þakkir fyrir samskiptin á árinu sem eru að líða. Megi Íslendingar öðlast heilsteypta sjálfsmynd á komandi ári.

Læt hér fylgja ljóðverk Þórarins Eldjárns sem birtist í Skírni 1999 og nefnist Spegill.

 

Við horfum aldrei aftur í þann spegil       

sem okkur hermdi marga spá og fregn.   

Hann liggur hér á dreif um gólf og dregil

hann datt og brotin féllu eins og regn.   

 

Því finnst okkur að vanti djúpa og víða

og viðurkennda sanna heildarmynd.    

Og árin sjö í ógæfunni líða                   

Eitt er markað hverri dauðasynd...      

 

En því að segja þetta hér að framan    

að þúsund brotin sýni engum neitt?     

Reynum ekki að raða þeim neitt saman

rýnum þess í stað í hvert og eitt.           

 

Og þá má sjá það skýrt að hvert er heild

já hvert og eitt sín veröld og sín deild.   

 

 

 

Mannlíf skrýtið og hálft hjarta

Það er að færast yfir mig ró og ég hlakka til friðargöngunnar í dag. Hef einsett mér að láta verkefni dagsins vera a) klára að fara yfir verkefni og próf og gefa einkunnir svo blessuð börnin fái nú námslán. b) gera harissa, niðursoðnar sítrónur og heimagerðan ís, c) skrifa almennilegt jólabréf (eitthvað sem rekið hefur á reiðanum þetta árið, skítt með það, það verður þá bara áramótakveðja í staðinn).

Jólakveðju Lingua -  Norðan Jökuls ( fékk ég um daginn og má til með að láta hana fljóta með til ykkar því þau vanda sig alltaf svo á hverju ári, mér finnst það aðdáunarvert.Í ár er hreyfimyndin eftir Guðjón Braga Stefánsson en tónlist og flutningur er í höndum kvennabandsins Dúkkulísur. Ljóðið sem er gullfallegt er eftir Börk Stefánsson. Sjá hér!

Þar er minnt á mikilvægi fjölskyldunnar og heimilis sem griðastaðar fyrir ást og væntumþykju - þar sem hægt er að öðlast innri frið. Því miður er ekki svo fyrir suma. Sum börn eiga ekki heimili og lítið hjartarúm meðal hina fullorðnu. Reyndar er það svo að sumir t.d skilnaðarbörn eru klofin, eiga tvö heimili, tvö hálf heimili á stundum og þegar að þau eru á einum staðnum sakna þau hins og öfugt.

Umfjöllun um þetta í fjölmiðlum undanfarna daga hefur verið þörf og bráðholl, og þeir sem hafa lagt orð í belg hafa sem betur fer haft skynsama og eðlilega nálgun á þessa hluti að mínu mati. Gott væri að heyra frá fleirum sem hafa svipaða reynslu.

Ég skil þetta svolítið með að vera alltaf svolítið hálfhjarta - en maður verður að lifa með því og viðurkenna söknuðinn innra með sér. Öll þessi átta ár sem ég hef búið hér á Íslandi hef ég verið klofin því stundum hef ég verið með börnunum mínum og stundum ekki, ég hef verið mismunandi sátt við það en hef þurft að læra að lifa með því glöð. Þannig kemst maður helst í gegnum hremmingar í lífi sínu að enduruppgötva gleðina í því smáa.

Ég er að auki klofin vegna þess að ég sakna alltaf míns gamla heimalands Danmerkur og þá sérstaklega á jólunum. Ég sakna alls notalega og rólega umstangsins í kringum mismunandi huggustundir og þá serstaklega áherslu fólks á ánægjulega samveru (sem ég held að íslendingar gætu lært eitthvað meira um). En þá hef ég bara lært að vera með mínu fólki í Danmörku í huganum (skála í snafs og borða síld í draumum mínum og hugsa hlýlega til vina minna og gömlu fjölskyldu).

Laila ein besta vinkona mín í Danaveldi (sem raunar er grænlensk/dönsk) er orðin ferðamálastjóri Frederikssund sveitarfélagsins og tók upp á því í haust að gera samning við nær alla framleiðendur héraðsins á ólíkum sviðum. Það er því hægt að markaðssetja algerlega staðbundna matarkörfu frá firðinum beggja vegna Ísafjarðarins (við Hornsherred).

Ég sakna samverustunda við hana og hennar fjölskyldu um jólin. Við höfum átt mörg góð jól saman í gegnum tíðina, en þá er gott að hugsa að vonandi eigum við eftir að eiga aftur góð jól saman einhvern tíma seinna. Ég keypti fasana í tilefni af því að þá get ég farið í huganum að Selsö marken og Selsö slot (horfið í tíma og rúmi en samt verið á staðnum).

 Jæja best að koma sér að verki - svo ég missi ekki af skötunni í kvöld

 

 

Sótt á í ferðamálafræði og landfræði

Tíu umsóknir bárust í framhaldsnám á meistarastigi í ferðamálafræði og í landfræði hér við skólann. 23 nemendur bætast í hóp bs.nema í ferðamálafræði á meðan að 12 landfræðinemar bætast við á fyrsta ári grunn-náms. Þetta þýðir gróflega samkvæmt mínum útreikningum og miðað við skráningar sem fyrir voru - að um 75 nemendur verða hjá mér í landfræði hnattvæðingar og um 80 í ferðalandfræði. Vantar einhverjum vinnu við stundakennslu og sem hefur þekkingu á sviði hagrænnar landfræði og landfræði ferðamála, svo ég verði ekki lögð inn á geðdeild á vormisseri?

1.625 sækja um nám við HÍ

Jólin nálgast

Fyrir fimm árum sagði ég upp áskriftinni að jólunum. Ég var langþreytt á neysluæðinu og átinu sem einkenndi hátíðina og flúði með fjölskylduna til Sikileyjar upp á fjall og eldaði dúfur á aðfangadagskvöld. Það voru að mörgu leyti góð jól þar sem samvera við fólk, sætar appelsínur og villiketti voru í forgrunni fremur en að æði af öllu tagi, saltur og sætur matur ásamt myrkri væru aðalsmerkið.

Í ár verð ég heima og hlakka bara til. Ég var svo heppin að vera með á fundi á Húsavík um daginn um verkefnið Wild North og í tengslum við hann fórum við um Mývatnssveitina og upplifðum sitt lítið af hverju, t.d hitti ég jólasveina í Dimmuborgum (sjá mynd að ofan) og fann aftur jólabarnið í hjarta mér, hló eins og ær og langaði að syngja jólalög (humm, það er af sem áður var). Keypti hangilæri í Vogafjósi og skellti mér í jarðböðin ásamt hópi yndæls fólks frá Íslandi, Grænlandi, Færeyjum, Noregi og Skotlandi. 

Sonurinn eldri fer úr landi og mun ég sakna hans töluvert en líka una honum að fá hvíld frá neikvæðum fréttum og áhyggjum sem fylla andlegar kyrnur fólks hér á Fróni um þessar mundir. Sá yngri verður hér með mér og hans jólaskap feilar ekki. 

Hvet alla til að kveikja kerti og spara við sig í ofdekri - göngutúr í snjónum getur gert meira kraftaverk en hálfur konfektkassi. ...Og svo er bara að syngja með jólasveinunum.

Afhverju er svona erfitt að hugsa sig um?

Endurvinnsla og endurnýting, sala og kaup notaðra hluta eru vistvænni lífshættir en sóun, græðgisleg kaup á því sem maður hefur í raun ekki þörf fyrir og neyslubrjálæði. Í frétt þessari er útsjónarsemi íslendinga á breyttum tímum sett í samhengi við erfiðleika nú um jólin. Það er heilbrigð svörun við breytingum að breyta neysluvenjum....bara svo það sé á hreinu.

Það er verst að missa vinnuna og það er erfitt þegar atvinnuástandið er annars ekki beysið. Hinsvegar ættu engum að verða illt af að hugsa sig aðeins um í neyslunni, fá jarðsamband og verða vistvænni í lífsháttum. AP fréttastofublaðamaðurinn/konan og endurvinnslufréttastofa Mbl.is eru föst í hugsanavillu um að gildir neysluhlutir þurfi að vera glænýir uppúr kössunum og helst frá stórum innkaupakeðjum.

Ég er búin að kaupa eitthvað af jólagjöfum, legg áherslu á íslenskt í ár bæði landbúnaðarvörur, hönnun og endurnýtingu. Þannig að eitthvað af jólagjöfunum kemur úr Rauða Kross búðinni, eitthvað úr góða hirðinum, eitthvað beint frá býli og eitthvað úr Kirsuberjatrénu, þjóðminjasafnsbúðinni osfrv. Þetta er ekki í fyrsta skiptið og verður vonandi ekki í það síðasta.

.....OG ÉG FÆ EINFALDLEGA EKKI SÉÐ AÐ ÉG SÉ EITTHVAÐ ÓHAMINGJUSAMARI FYRIR VIKIÐ! 

Megi landsmenn njóta aðventunnar hvernig svo sem þeir verja henni.

Breyttir tímar á Íslandi

Ekki nýir draumar en hvað með eldsneytið?

Sú frétt að áform séu um að byggja stærri ísbrjót en nokkru sinni áður kemur ekki á óvart í því auðlindakapphlaupi sem nú á sér stað á Norðurslóðum. En fær mig til að velta fyrir mér á hvernig eldsneyti er áformað að fleytan sigli. Nokkuð hefur verið um bollaleggingar að hagkvæmast væri að kjarnorkuknýja svona skip. Ætli þetta skip verði það? Og hvað ætli fólki finnist um það?

Stærsti ísbrjótur í heimi

Hvernig notkun ferðarýma breytist!

Á meðan að fólki með íslenskt vegabréf fækkar á rölti um flugstöð Leifs Eiríkssonar eru erlendir ferðamenn fjölmennari. Fréttir herma að Íslendingum á flugvellinum hafi fækkað um nær 50% síðustu mánuði og ekki líklegt að það breytist til hins meira á næstunni. Það er því nokkuð ljóst að til að bæta upp fyrir þá fækkun þarf að huga að efla erlendan ferðamannastraum hingað frá sem flestum löndum. Það leggjast allir á eitt um að ýta undir það nú og er það vel.

Í öllu þessu hef ég verið að velta fyrir mér hvernig hlutverk ferðalaga-rýma og aðstöðu breytist yfir tíma og í mismunandi aðstæðum.

Nú hefur það gerst að á meðan að íslendingum fækkar í flokki þotuliðs fjölgar þeim verulega í hópi strætóliðs. Nær 50% fjölgun hefur verið á farþegum strætó síðustu tvo mánuði og sýnir það og sannar fyrri staðhæfingu um hlutverkabreytinga ferðarýma yfir tíma. Mér finnst svo áhugavert í þessu sambandi hvernig að fólkið býr til félagsrými með notkun. Sú var tíð á meðan á gróðærinu stóð að maður hitti helst fólk úti í leifstöð á leið útí þotu. Aðal hittingsstaðurinn á Íslandi var alþjóðlega flughöfnin. Þar kyssti maður fólk sem maður hafði ekki gefið sér tíma til að sjá lengi og því varð flugvöllurinn aðal umferðamiðstöð Íslands á meðan að rútustöð BSÍ drabbaðist niður.

Nú er öldin önnur. Aðal félagsrými borgarinnar er strætó - þar kyssir maður fólk sem maður hefur ekki gefið sér tíma til að hitta lengi og þar hittir maður endurtekið fólk sem maður umgengst. Strætó og biðstöðvar eru því orðnar heilmikill hittingsstaður.

Þegar einhver staður verður vinsælt félagsrými hópast enn fleiri á staðinn. Flugvöllurinn var jú stækkaður í gróðærinu og bílastæðum fjölgað eins og við værum milljónaþjóð. Á meðan gengu frustreraðir unglingar um á höfuðborgarsvæðinu og eyðilögðu biðskýli, brenndu sæti og brutu rúður af því enginn þeirra bómullarbarna bar virðingu fyrir tómarýminu strætó.  Þegar einhver staður verður vinsælt félagsrými fara fyrirtæki og hagsmunaaðilar af ýmsu tagi að líta félagsmiðstöðina hýru auga...og þá eru auglýsendur komnir á staðinn. Eins og í gróðærinu þegar að ekki varð þverfótað eða horft á bera veggi í Leifstöð fyrir allskyns draumórakenndum auglýsingum auglýsenda og stórhuga fyrirtækja. Nú hins vegar er farið að þekja veggi leifstöðvar með listaverkum eftir því sem fleiri auglýsingar úreldast og engar fást upp í staðinn.

Eina auglýsingaskiltið í Leifsstöð sem einhver hefur virkilega látið sig varða í langan tíma er það sem  Láru Hönnu og stuðningsmönnum hennar tókst að knýja á um að yrði tekið niður af því það talaði Íslendinga og Ísland niður í flughöfninni.

Í strætó er hinsvegar að verða fjör. Fleiri auglýsingar og tilkynningar eru að verða inní strætó - og svei mér ef að við ættum ekki bara að fá fjörugar vörukynningar og uppákomur inn í það rými núna.

Það er tíminn.

Ferðarými eru félagsrými. Þau eru viðkomustaðir en aldrei áfangastaðir. Sem slík eru þau áhugaverð og rannsókna verð.

Erlendum gestum fjölgar í Leifsstöð

Þegar þrengir að er erfiðara að feika ársreikningana

Nýlega uppkomið mál IT factory og viðskiptaflóttamannsins Stein Bagger setur ýmislegt misjafnt úr viðskiptalífinu í skýrara samhengi. Eins og oftlega hefur komið fram í umræðum að undanförnu er auðveldara að stýra skútu í lygnum sjó en mun erfiðara að stýra fyrirtæki þegar á móti blæs. Danskir sérfræðingar eru nú uggandi um að mál IT-factory og Stein Bagger sé bara hið fyrsta í röð margra sem eiga eftir að vera flett ofan af á næstunni í dönsku þjóðlífi, í afar athyglisverðri grein um persónuleikabresti forstjórans fræga og stjórnunarhætti hans.

Svo virðist sem að Stein Bagger eigi sér tvífara í íslensku viðskiptalífi. Aðal strategía hans við stjórnun var að halda upplýsingum og mannaforráðum aðskildum. Hann varð brjálaður ef að hann upplýsti t.d starfsmann um einhverjar fréttir innan fyrirtækisins og starfsmaður sagði öðrum samstarfsmönnum frá. Þannig byggði hann upp ógnarstjórn þar sem að hann gat stýrt og stellað með starfsmenn sem væntanlega bara hafa verið hræddir og hann gat manipulerað með upplýsingar, t.d tókst honum nánast óaðfinnanlega að halda stjórn fyrirtækisins í skugganum þannig að þeir sem þar sátu og voru í raun ábyrgir fyrir glæpsamlegu atferli forstjórans höfðu ekki raunverulega innsýn í hvað átti sér stað í fyrirtækinu. Ég veit t.d um forstjóra eins ferðaþjónustufyrirtækis að hann heldur uppi slíku ógnarvaldi, reyndar kannski ekki vegna þess að hann sé að svindla á bókhaldinu (það veit ég ekkert um) en vegna þess að hann er með brókarsótt (það er alvarlegur sjúkdómur þegar maður er stjórnandi).

Hann heldur starfsfólki í fyrirtækinu í gíslingu með því að gera það paranoid, hvíslar í eyra þeirra að ef hann heyri um þá að þeir séu að tala með gagnrýnum hætti um daglegan gang fyrirtækisins fái það að fjúka. Þannig verða starfsmenn meðvirkir því í raun hafa þeir ekkert val. Svona starfshættir leiðtoga lýsa best óhæfum stjórnanda.

Svo virðist einnig sem að reikningshald IT-factory hafi verið óaðfinnanlegt, en stjórnin hafði ekki komið sér upp bókhaldsnefnd sem voru tengiliðir við endurskoðendafyrirtækið. En slíkt getur rekið varnagla í svindlstarfsemi ef hún á sér stað en þá eru það fulltrúar stjórnar og ekki bara forstjórinn sem er í beinum tengslum við endurskoðendur. Í greininni er vitnað í hagfræðinginn Kenneth Galbraith sem sagði í danskri þýðingu "Det regnskaberne ikke fanger, fanger recessionen".

Greinin er í Information og hér að neðan eru bútar úr henni. Það er spurning nú hvort að við lifum einnig á svipuðum borgarísjaka og danir hvað varðar bókhaldssvindl fyrirtækja?

- Så bestyrelsen gjorde alt, hvad denne kunne op til IT Factorys konkurs?

"Ja, det mener jeg faktisk. Man skal huske på, at Stein Bagger ikke nogensinde før har lavet noget lignende, alle revisionsrapporter var pletfrie, og når prokuraen (underskrifter og lign., red.) samtidig udadtil var i orden, så var der ikke mere, vi kunne have gjort før i dag."

Professor i selskabsret på CBS, Steen Thomsen, er enig i, at det umiddelbart ser ud til, at bestyrelsen formelt set har gjort, hvad der står i dens magt.

"Om økonomidirektøren kan man måske tale om, at der er et skærpet ansvar, hvis hun virkelig ingenting har sat sig ind i. Men bestyrelsen kan ikke gardere sig mod alle sager," siger han, men tilføjer samtidig, at bestyrelser meget nemmere kan undgå erhvervsskandaler som IT Factory, hvis de nedsætter et revisionsudvalg, der står for kontakten til revisionsfirmaer.

"Så kan bestyrelsen tage sig af strategi og langsigtet planlægning, mens revisionsudvalget tager sig af de tidskrævende juridiske implikationer," siger han og peger på, at kun omkring 10 procent af de børsnoterede virksomheder i dag har et revisionsudvalg.

Det får også Steen Thomsen til at forudse, at de kommende år vil byde på flere erhvervsskandaler med virksomheder, der må lukke og slukke, fordi de har bevæget sig på kanten af - eller som IT Factory - på den anden side af loven.

"I lavkonjunkturer som den, vi går ind i nu, sker det altid. For i højkonjunkturer kan kriminelle handlinger og dårlige dispositioner. Men når det strammer til som nu, hvor det er sværere at låne penge, sværere at sælge og mange virksomheder komme i økonomiske problemer, så blive de uforsigtige beslutninger også meget tydeligere. Mange virksomheder er i risikozonen lige nu, og derfor vil vi også i den nærmeste fremtid se flere virksomheder med problemer a la de, IT Factory har lige nu," siger Steen Thomsen og slutter af med et citat af økonomen John Kenneth Galbraith:

"Det, regnskaberne ikke fanger, fanger recessionen."

 

 

Rúmlega 1100 tilkynningar á þremur árum

Endurskoðum endurskoðendur!!!!!

Fagheitið löggiltur endurskoðandi er lögverndað starfsheiti. Ég hef ekki kynnt mér sérstaklega hvaða hæfniskröfur aðrar en sérstaka viðskiptafræðilega menntun á háskólastigi þurfi að hafa til að geta starfað sem endurskoðandi, hvorki í dönsku né íslensku samfélagi.

Hitt er annað mál og lítið hefur verið vikið að því að með öllum þeim spilaborgum af fyrirtækjum sem eru að hrynja þessa dagana vegna svindls og svínarís hefur lítið verið spurt út í þátt endurskoðendanna sem ár eftir ár undirskrifuðu ársreikninga og svei mér jafnvel hjálpuðu til með að láta bókhaldið líta vel í ýmsum tilfæringum.

Hippókratesasareiðurinn er velþekktur í læknasamfélaginu. En ætli löggiltir endurskoðendur þurfi að fara í votta viðurvist með eitthvað svipað.

Ég tel það þarft. 

Jafnframt því sem ég tel þarft að skoða nánar í saumana á starfsemi alþjóða endurskoðenda fyrirtækja eins og KPMG því þetta er ekki í fyrsta skipti sem þeir verða hugsanlega uppvísir að rotnum viðskiptaháttum, sbr. hrun Andersen Consult fyrir rúmum áratug.

 

Danskur forstjóri stakk af með 12 milljarða

Yndislegt að gefa!

Ég á alveg yndislega syni (þó ég segi sjálf frá). Ég varð fertug fyrir tíu dögum síðan og sá litli vildi endilega gefa mömmu sinni afmælisgjöf þó ekki sé hann fjáður. Hann mundi eftir að hafa lánað mér þúsund krónur sem ég borgaði honum til baka einhverju áður. Hann fór bísperrtur út í búð og kom eins og stoltur páfi til baka með afmælisgjöf handa mömmu sinni. Þegar ég opnaði aðra gjöfina sem var úr Tiger kom í ljós jarðkúla sem einnig var baukur. OH, mig hefur alltaf langað í globus, en hann sniðugur. Drengurinn klikkti síðan með að segja mér að þetta væri þarfaþing í heimskreppunni. Heimskringla sem hægt væri að setja peninga í. Ég átti ekki til aukatekið orð yfir snilld barnsins sem er jú bara níu ára en veit sínu viti.

Globusinn hefur fengið heiðurstað á heimilinu og ég hugsa með hlýju til drengsins í hvert sinn sem ég ber hann augum, enn hafa ekki neinir aurar leitað ofan í búk jarðkúlunnar en vonandi mjatlast þetta nú einhvern veginn samt. 

Þetta er ein besta gjöfin sem ég hef fengið - hún var gefin af svo mikilli hjartahlýju og hugulsemi að ég þarf ekkert annað. Ég hélt skemmtilegt hóf og hitti vini og bað þá helst ekki að gefa gjafir, því mér leið þannig að mig vantar ekkert nema bara skemmtilegt fólk í kringum mig og þúsund bros. Þá er ég glöð. 

Eldri sonur minn hélt ræðu um hvað ég væri skrýtin en samt allt í lagi, hálfgerður nörd en þó góður matargerðarmaður þrátt fyrir að vera alltaf að hugsa um lífrænt!! (fyrir honum er það skammaryrði). Ég áttaði mig á að það helsta sem ég hef gefið honum hingað til eru upplifanir af mörgum toga og að hann mun njóta þeirra sem minninga í tengslum við mig mun fremur en veraldlegra hluta þegar fram í sækir. Það fékk mig til að skæla af gleði, svo snortin varð ég.

Það besta í heimi er að eiga fólk í kringum sig sem elskar mann og maður elskar.