Sumarið hefur skrýtin áhrif og góð

Já það má með sanni segja að ég er að átta mig á íslenskri þjóðarsál þessa dagana. Fyrstu árin sem ég bjó hér kvartaði ég mikið undan því hvað Íslendingar urðu eitthvað óagaðir og óbeislaðir á sumrin. Hættu að mæta í vinnuna og voru bara eitthvað að ráfa um land og auðnir, gátu augsýnilega ekki skipulagt sig almennilega og ferðuðust með veðrinu, ef svo má segja.

Ég hef nú sjálf látið undan og ætla að flýja á stað þar sem besta veðurspáin er þessa helgi þó aðeins sé um eina gistinótt að ræða, þar eð ég hef bæði verkefni og heimboð hina dagana.

Ætli ég sé ekki bara að koma heim aftur, svona andlega. Fylgja bara sól og veðri...og tjalda til einnar nætur.

Athugasemdir

[Steinunn Helga Sigurðardóttir, 18.7.2008 kl. 18:20]

velkomin til gamla landsins, ég held mig við dk.

kærleikur til þín

steina

[Anna Karlsdóttir, 21.7.2008 kl. 20:56]

Takk fyrir það Steina mín

Skrýtið hvað hugurinn er hægfara miðað við líkamann. Það er ekki eins og ég hafi verið að lenda í gær.

Kærleikskveðjur til þín einnig.