Mafíuaðferðir verktaka og smábærinn Reykjavík!

Þessi aðferð að hraða niðurníslu húsa með því að leigja ógæfufólki og eiturlyfjasölum hús í miðbænum er til skammar en hún er reyndar þekkt frá fleiri borgum en Reykjavík, því miður. Ég held því miður að Hörður hafi á réttu að standa. Ég þekki sjálf til tveggja tilfella þar sem þetta var einmitt málið. Að hrella nágranna og hrekja í burtu, gjaldfella eignir þeirra með vandræðum af völdum óstöðugra leigjenda sem jafnvel kveiktu í og annað....Ég veit til að lögregla kom mjög oft í vísítasíu í annað húsið vegna þess að þar var mjög áberandi eiturlyfjasala. En það var eins og að allt væri á bak og burt eða að lögreglan hefði ekki nægilegar heimildir til að gera skurk í málunum. Húsaeigandinn sem nótabene átti víst ekki alveg hreinan feril lét sem ekkert væri, ætli sjálfsagt bara að kaupa fleiri hús í grenndinni þegar að nágrannarnir færu hægt og sígandi að hypja sig.

Reykjavík er pínulítill smábær á mælikvarða annarra þjóða. Kannski fyrst og fremst þess vegna skilur maður ekki alveg svona. Reykjavík er borg sem er með brenglaða sjálfsmynd heldur sig stærri og stórborgaralegri en hún í rauninni er, geltir og er agressív eins og lítill skrauthundur. Reykjavík er með vaxtarverki á alvarlegu stigi og hefur tekið upp alla helstu ósiði stærri borga (þó hún eigi engan veginn fyrir því sem smábær).

Flytja óreglufólk inn til að gera nágrönnum lífið leitt

Athugasemdir

[Ólafur Þórðarson, 11.1.2008 kl. 12:47]

Einkenni á að spilling á íslandi er farin að rista mun dýpra en áður, aðferðir í keim við óprúttnar viðskiptaaðferðir og spurning hversu mikið af viðskiptum eru heiðarleg. Kannski ekki að undra í þjóðfélagi þar sem græðginni er hampað. Þetta ástand mun versna þar til farið verður að spyrna á móti óheiðarleika og lygi. Sem er ekki í augsýn.

[Anna Karlsdóttir, 11.1.2008 kl. 17:38]

Sæll veffari!

Ég held að þorri fólks sé heiðarlegur hér á landi en það leynast auðvitað misjafnir sauðir hér eins og víða. Ég trúi að við þessu verði spyrnt, ég neita að trúa að fólki sé sama. Kannski er ég ólæknandi í bjartsýninni. Ég veit allavega að þetta er áhyggjuefni meðal lögreglumanna.