Endurskoðum endurskoðendur!!!!!

Fagheitið löggiltur endurskoðandi er lögverndað starfsheiti. Ég hef ekki kynnt mér sérstaklega hvaða hæfniskröfur aðrar en sérstaka viðskiptafræðilega menntun á háskólastigi þurfi að hafa til að geta starfað sem endurskoðandi, hvorki í dönsku né íslensku samfélagi.

Hitt er annað mál og lítið hefur verið vikið að því að með öllum þeim spilaborgum af fyrirtækjum sem eru að hrynja þessa dagana vegna svindls og svínarís hefur lítið verið spurt út í þátt endurskoðendanna sem ár eftir ár undirskrifuðu ársreikninga og svei mér jafnvel hjálpuðu til með að láta bókhaldið líta vel í ýmsum tilfæringum.

Hippókratesasareiðurinn er velþekktur í læknasamfélaginu. En ætli löggiltir endurskoðendur þurfi að fara í votta viðurvist með eitthvað svipað.

Ég tel það þarft. 

Jafnframt því sem ég tel þarft að skoða nánar í saumana á starfsemi alþjóða endurskoðenda fyrirtækja eins og KPMG því þetta er ekki í fyrsta skipti sem þeir verða hugsanlega uppvísir að rotnum viðskiptaháttum, sbr. hrun Andersen Consult fyrir rúmum áratug.

 

Danskur forstjóri stakk af með 12 milljarða

Athugasemdir

[Kaktus (IP-tala skráð) 2.12.2008 kl. 13:45]

Til að öðlast löggildingu til endurskoðunar þarf viðkomandi að vera viðskiptafræðingur af endurskoðunarsviði. Síðan þurfa menn að starfa í 3 ár undir handleiðslu lögg. endurskoðanda og síðan þreyta menn 4 próf og þurfa að fá að lámarki 7,5 í einkunn úr öllum prófum.  Varðandi Andersen Consult þá er þú væntanlega að tala um Arthur Andersen sem var alþjóðlegt endurskoðunarfyrirtæki sem leystist upp í kjölfar Enrons málsins en AA voru endurskoðendur þess fyrirtækis.

[Brynjar (IP-tala skráð) 2.12.2008 kl. 15:40]

Face !

[Anna Karlsdóttir, 2.12.2008 kl. 16:58]

Kærar þakkir fyrir upplýsingarnar Kaktus. Bendi á nýjan fréttaskýringamiðil sem gerir betur grein fyrir svindli Stein Bagger. Andersen var orðið alþjóðlegt endurskoðendafyrirtæki þegar að það hrundi í kjölfar Enron svindlsins. Þá kom einmitt í ljóst að ekki hafði staðið steinn hjá steini í því fyrirtæki í nokkurn tíma. Það varð ekki til þess að styrkja trúnna á stórar endurskoðendasamsteypur en Deloitte & Touche, KPMG og fleiri urðu sífellt stærri í kjölfarið þrátt fyrir það.

Takk fyrir frumlegt komment Brynjar. Málið er að ég skil það bara ekki.

[Anna Karlsdóttir, 2.12.2008 kl. 16:59]

http://www.amx.is/?/forsida/