Sérkennilega orðuð frétt!

Já máttur mannsins er mikill, eða svo halda greinilega þýsku sérfræðingarnir samkvæmt fréttinni, að þeir geti mælt þolmörk loftslagsins hverju sinni. Eru þeir ekki með einhvern guða kompleks? Ég bara spyr. Vísindamenn eru enn að takast á í velígrunduðum niðurstöðum rannsókna sinna um að hversu miklu marki mannskepnan er valdur loftslagsbreytinga samtímans. Þannig að mér finnst þessi millimetra vitneskja Þjóðverjana saga til næsta bæjar.  En titill fréttarinnar er líka svolítið sérkennilega orðaður, og minnir mig svolítið á sögurnar úr Astrid Lindgren bókunum um hann Emil í kattholti þegar gamla konan hljóp um og hrópaði: Heimsendir í nánd, loftsteinn á leiðinni!

Líklega farið yfir hættumörk

Athugasemdir

[Andri (IP-tala skráð) 10.12.2007 kl. 17:12]

Al Gore er hræsnari.

Meðal hitastig jarðar hefur hækkað um eina gráðu síðustu 140 ár.

Samkvæmt mælingum Nasa er sólin að hitna.

Loftlagsbreytingar má rekja langt aftur í tíman.

Samkvæmt Hadley Centre for Climate Prediction, hefur meðalhitastig jarðar lækkað síðan 1998.

[Anna Karlsdóttir, 10.12.2007 kl. 18:56]

Sæll Andri

Ég veit nú ekki hvort hægt er að hafa innistæðu fyrir því að dæma Al Gore sem hræsnara, en rétt er að hitastigsbreytingar teknar í meðaltali síðan að skipulagðar skráningar á hitastigi um allan heim byrjuðu eru ekki ýkja miklar. Ýktar sveiflur í veðurfari víða um heim, hröð bráðnun íss á Norðurskauti ofl. segja okkur þó að það eru blikur á lofti. Og svo er hægt með líkönum að sjá og gögnum aftur til síðmiðalda að hitastig hafa sveiflast milli kuldaskeiða og hitaskeiða. En við vitum líka að útblástur koldíoxiðs hefur aukist verulega bara á undanförnum áratugum. Einu verulegu niðurstöðurnar úr djúpísborunum á Grænlandsjökli sýna að þegar að loftslagsbreytingar (hitastigsbreytingar eru bara ein breytan) eiga sér stað gerist það hratt. Ég var eiginlega bara að mótmæla orðalagi í þessari grein, þó niðurstaða þjóðverjanna geti verið áhugaverð í sjálfu sér.

[Anna Karlsdóttir, 10.12.2007 kl. 18:56]

Fyrirgefðu, ætlaði að segja koltvísýrings.

[Anna Karlsdóttir, 10.12.2007 kl. 22:38]

Við skulum bíða og sjá í stað þess að túlka um leið!