Ástand vegar yfir melrakkasléttu - yfirsjón eða meðvituð afbyggðastefna?

Ég kom keyrandi frá Húsavík og austur eftir melrakkasléttu þar hafði bíll farið útaf og lá utanveltu, og ekki að undra. Þetta er ótrúlega stórgrýtt bretti að keyra á og stórhættulegt óvanari bílstjórum. Þeir færast í aukana hér því hér er eitt stórbrotnasta fuglaskoðunarsvæði landsins. Hvað á þetta að fyrirstilla? Afhverju er ekki búið að hefla vegina hér almennilega svo að ekki hljótist fleiri slys af. Þetta er óafsakanleg yfirsjón ekki síst meðan ekki er búið að gera umtalsverðar samgöngu-umbætur hér eins og lofað hefur verið í mörg ár. Hvar eru símapeningarnir sem áttu að koma almenningi til góða, meðal annars við umbætur grunngerðar eins og háhraðanets-tengingar og samgöngu-umbóta. Ég ætla bara rétt að vona að aðgerðarleysið endurspegli ekki meðvitaða afbyggðastefnu. Ég læt fljóta mynd til upplýsingar um ástandið - sem er vægast sagt ekki til að hrópa húrra fyrir!  

 

Athugasemdir

[Aðalbjörg Jóhanna (IP-tala skráð) 16.8.2007 kl. 13:29]

Þetta er auðvitað alveg fáránlegt. Maður er búinn að vera að afsaka þennan blessaða veg á Sléttunni svo lengi sem ég man eftir mér! Bjánalegt. En heyrðu, áttu ekki eftir að blogga um gönguna miklu.. Ég frétti í versluninni Urð að mín hafi ekki treyst GPS tækinu og gengið ehemm.. í hring ;)

[Ingólfur Ásgeir Jóhannesson, 16.8.2007 kl. 20:34]

Á ekki að fara að gera annan veg yfir Hólaheiði (man ekki nafnið)? En svo segir Aðalbjörg að vegurinn um Sléttu hafi alltaf verið vondur; ég hef bara farið hann svo sjaldan að ég get ekki sagt ég þekki hann.

[Anna Karlsdóttir, 21.8.2007 kl. 11:38]

Sæl Aðalbjörg mun blogga um gönguna miklu í tómi. - Einhverra hluta vegna var farið að hefla og bera í veginn um svipað leyti og ég var að blogga þetta. Jú hólsheiðarvegurinn er á stefnuskránni og búin að vera lengi, en mér skylst á heimamönnum (þórshafnarbúum, sveitungum úr þistilfirðinum, Raufarhafnarbúum og sveitungum sléttunnar) að enginn sé alveg sáttur við þá málamiðlan. Sumir langflutningabílstjórar segja að undarlegt sé að valið hafi verið mesta veðravítið í annars tiltölulega einföldu sléttlendi. Ég ætla ekki að gera mig vitrari en ég er um þessi mál, en það er nokkuð ljóst að vegurinn yfir sléttu verður keyrður á meðan hann er fær. Eins og ég sagði áðan er þetta svæði eitt af yfirséðu náttúruperlum Íslands til ýmiskonar útivistar, náttúru- og fuglaskoðunar og fjöruvistkerfaskoðunar á landinu...og eins og við vitum dregur það ferðamenn innlenda sem erlenda að.

[Dísa (IP-tala skráð) 21.8.2007 kl. 21:06]

Já frænkur vegurinn er slæmur, ég ætti að vita það manna best eftir að stórgrýtið reif bensínrör undan bílnum. Heppni að það bara kviknaði ekki í okkur. Svo máttum við dúsa litla stund í ömurlegu veðri og engu gsm sambandi! Vorum þó heppin að sjóarar frá Húsavík aumkuðu sig yfir okkur og fluttu okkur aftur á Raufina eins og þú veist. En maður ætti kannski að senda vegagerðinni reikninginn. Tæpar 20 þús þegar uppi var staðið (viðgerð og fullur tankur sem lak á Sléttuna!!!)