Hræringur og kúalubbi, uhm!

Nú er tíminn til að njóta gæða náttúrunnar og borða það sem móinn hefur upp á að bjóða. Elías sonur minn langaði að feta í fótspor langafa síns og borða hræring (ósætt skyr og kaldur hafragrautur hrærður saman - megahollt!) - svo það fékk hann og borðaði með bestu lyst. Við fórum upp á ásinn á melrakkasléttunni og tíndum fullt af kúalubbum, slatta af blóðbergi og talsvert af krækiberjum, aðalbláberjum og venjulegum bláberjum. UHM! Þvílík dýrð! Þetta eru bestu dagar lífs míns, þegar ég geri svona. Ég vel það mun frekar en að éta ora fiskibollur úr dós, sem frænka mín húsmæðrakennarinn bauð upp á. Steiktir sveppir með svörtum pipar og smá skvettu af sítrónusafa ofan á brauð er himneskt!

Athugasemdir

[Anna Karlsdóttir, 6.8.2007 kl. 00:32]

Þú gætir líka hafa fundið kóngasvepp, fyrst þú varst í Svíþjóð!

[Aðalbjörg Jóhanna (IP-tala skráð) 16.8.2007 kl. 13:26]

Snilld Anna.. ertu að meina þetta, að þú hafir ekki viljað fiskibollur í dós a la Adda.. haha =) Takk fyrir síðast svona annars.