Streitulosandi meðferð

Fyrir utan að njóta ásta (hehe) er mikilvægt að gera eitthvað í frístundum sem að fyllir mann gleði. Þannig getur maður orðið betra foreldri og fólkið í kringum mann hamingjusamara. Mitt framlag í dag til að bæta líf fólks í kringum mig - ef það kýs svo - er að leggja hér fram pottþétta uppskrift að Mjaðar-saft. Alveg skotheldur sumardrykkur sem feilar ekki og kostar ekki mikið að laga.

Týnið minnst 40-50 knúppa af Mjaðurtablómum (sem eru í blóma nú) einhvers staðar út í móa.

Sjóðið 2 lítra af vatni með 1.kíló af sykri (gæti t.d verið helmingur hvítur og helmingur brúnn eða minna unninn sykur).

3 -4 sítrónur (helst lífrænar, annars vel skrúbbaðar) í sneiðum

Leggið blóm og sítrónur í skál eða pott í lög eins og lasagna - hellið síðan sykurvatninu yfir.

Látið kólna niður í stofuhita á meðan að hrært er varlega í mjöðnum.

Setjið skál á kaldan stað í fjóra sólarhringa og passið að hræra vel að minnsta kosti tvisvar sinnum á dag.

Síið vökvann í gegnum sigti og grisju og setjið á flöskur

Ef að þið notið glerflöskur þurfið þið að halda þeim í kælingu - annars plastflöskur.

Njótið - útþynnts drykkjarins með kolsýrðu vatni og klaka eða kranavatni - Astminn hverfur og sumarið verður ykkar.

Njótið vel!

 

Streita hefur áhrif á astma

Athugasemdir

[Eyjólfur Jónsson, 25.7.2009 kl. 22:26]

Er þetta satt. Er hægt að losna við allan fjandann og sérstaklega þetta astma bara með svona drykk? Of gott til að vera satt? Eða. Hverju á fólk að trúa. Allskonar "medicin" kemur og fer í sögunni en samræmið er að þau eru einu og bestu í þátíð. Mikið af þessum jurtameðulum eru  byggðar á þessum jurtum okkar og meðulum  í dag voru og eru óaðskiljanlegar, en að fara út í þá sálma að þetta eða hitt "lækni"  eitt og annað er röfl og della. þetta veit Wolfang

Wolfang

[Anna Karlsdóttir, 6.8.2009 kl. 17:54]

Sæll Eyjólfur og takk fyrir innlitið. Ég held að það sé erfiðara en svo að losna við fjandann - þú verður víst að fara í nornabúðina eða nota einhver sterkari meðul til þess