Dönskum fjölmiðlum þykja flóðin ekki fréttnæm

Flóð á götum Kaupmannahafnar er ekki nýtt nýmæli þegar að kemur úrhellisskúr. Gamalt niðurfallskerfi sem er löngu orðið úr sér gengið er aðal ástæðan, ekki vegna þess að það sé neitt sérstakt úrhelli. Borg með mörg hundruð ára gamalt klóak kerfi á köflum getur ekki tekist á við aukaálag sem þetta.

Danskir fjölmiðlar (DR, Information og Politiken) upplýsa að Jakob Ejersbo er nýlátinn en hann er höfundur m.a bókarinnar Nordkraft sem síðar var kvikmynduð. Það er missir af honum úr flóru danskra rithöfunda.

Tour de France er auðvitað aðal fréttauppsprettan í augnablikinu (ég er alltaf að fylgjast með því, nær eina íþróttin sem ég nenni að horfa á í sjónvarpi).

...og svo í fyndnu deildinni. Stórverslunin Bilka sem selur allt frá a-ö seldi sófa um daginn og þegar að eigandinn (kona) kom heim með fenginn fannst eiturslanga í honum. Þetta er svona eitt af spaugilegri áhrifum hnattvæðingar viðskipta (launflutningar dýra með vörum).

 

 

Flóð í Kaupmannahöfn

Athugasemdir

[Steinunn Helga Sigurðardóttir, 13.7.2008 kl. 11:32]

ég hef ekki heyrt þetta um slönguna, en þeta er bara pínu fyndið, hefur sennilega ekki verið það fyrir konuna.

hafðu fallega helgi

steina 

[Anna Karlsdóttir, 13.7.2008 kl. 16:29]

Nei Þrymur minn, ég tek bara alltaf hæfilega lítið mark á þeim miðli - hann endurómar rödd hins danska konformista og er á köflum afturhaldspési - en þó áreiðanlegra en ekstra bladet. Takk fyrir Steina mín. Gaman að fá svona uppörvandi orð.