Lífið í beinni

4.3.2008 | 09:32

Brjóst á uppboði!

Fiðrildavika Unifem hefur vakið athygli í fjölmiðlum og á nú að fara að bjóða upp heimaprjónuð brjóst (hversu fáránlega sem það hljómar). Ég fór að velta fyrir mér notagildi þessara brjósta og tel þau ekki mikil á þessum síðari tímum nema ef vera skyldi fyrir konur með börn á brjósti sem ekki mega við gegnumtrekk. En það hlýtur að vera bölvað vesen að festa þessar dúllur á þannig að þær haldist.

Ég mæli frekar með hönnun Bíbíar vinkonu minnar í Barcelona á konubrjóstum, en þær eru notaðar sem brjóstsykurskálar. En svo eru líka brjóst búin til úr brjóstsykri og hægt að gæða sér á þeim.

En ég fagna vissulega þessu átaki Unifem sem ég tel löngu tímabært! Til hamingju með það stelpur.

Meginflokkur: Bloggar | Aukaflokkar: Menning og listir, Stjórnmál og samfélag | Facebook

Athugasemdir

Heimaprjónuð brjóst er ekki verri hugmynd en hvað annað, og reyndar finnst mér þessi töff. Þau gætu verið hekluð... samt finnst mér hönnunin ekki í takt við þau kvenmannsbrjóst sem ég kannast við, þetta minnir meira á blýantsspíds....

Guðrún Vala Elísdóttir, 4.3.2008 kl. 09:44

Sammála því.

Anna Karlsdóttir, 4.3.2008 kl. 21:33

Sælar

Þetta eru hekluð brjóst sem voru unnin af dásamlegum konum á sýningunni Gyðjan í vélinni í varðskipinu Óðni í sumar. Vatnadansmeyjafélagið Hrafnhildur setti þessa sýningu upp og hún var ógleymanleg.

"Saumuð voruhjartasár, keppir fylltir, málshættir bróderaðir. Hugurinn baðaður í hlaupi, hunangi, royal-búðingi og majónesi. Uppákomur í bland við innsetningar, tónlist og dans. Áhorfendur voru leiddir um vistarverur skipsins, ganga og geymslur, káetur og klósett. Hvernig er konan þegar búið er að skræla hana og skoða og hún síðan sett inn í heim sem hún hefur aldrei átt þátt í að skapa? Í lokin voru áhorfendur staddir í vélarrúminu, hjarta skipsins, þar sem takturinn var hreinn og klár og hvert slag sendi frá sér boð um það sem á eftir kom - hið óvænta er væntanlegt" - Staðfærð auglýsing frá Vatnadansmeyjafélaginu.

Þannig að þessi brjóst eru mjög merkileg og bera með sér sögu þeirra kvenna sem hekluðu þau. Nú er bara að nota fiðrildaáhrifin og láta þessar sögur berast víða um leið og við leggjum góðu málefni lið. -Allir í UNIFEM gönguna í kvöld