Nú þykir mér týra á tíkarskarið!

Var að lesa fréttina, á eftir að kynna mér mótvægisaðgerðir betur en finnst auðvitað afleitt ef sjómönnum, þeim sem sækja sjóinn en eiga ekki veiðiheimildir hefur verið sýnt svona mikið fuck-merki af stjórnvöldum. Það eiga þeir alls ekki skilið. Allir menn og konur, sýnið samstöðu með þessu fólki og setjið hart í bak í opinberri umræðu. Það er það eina sem að virkar.

bestu kveðjur frá fyrrum Hansaborg, Amsterdam

Sævar: Komið til móts við alla aðila nema sjómenn

Athugasemdir

[Birna Bj (IP-tala skráð) 7.7.2007 kl. 14:22]

Já, á ekki að efla gagnaflutninga og samgöngur.  Sjómennirnir okkar eiga sem sagt að fara á rúntinn og leika sér í tölvunni þess á milli :-).  Svo virðist einnig sem að Ingibjörg Sólrún haldi að þetta komi verst niður á kvenfólki á Vestfjörðum - kannski bý ég á Vestfjörðum, bara vissi það ekki fyrr en núna.

[Anna Karlsdóttir, 7.7.2007 kl. 14:49]

Sæl Birna

Ég hef ekki neitt á móti því að konur séu sérstaklega nefndar í yfirlýsingu ríkisstjórnarinnar. Ég fagna því að ríkisstjórnin skuli hafa hugsað sérstaklega til þeirra og sé ekki að konur á vestfjörðum séu sérstaklega nefndar þar. En útaf stendur að missir starfa í veiðum mun helst koma niður á sjómönnum og þeir eru ekki sérstaklega nefndir sem er miður. Annars er ég nú búin að fara í gegnum yfirlýsinguna og er nokkuð ánægð með hana, þó óneitanlega sé ýmislegt nokkuð óræðið, t.d er erfitt að átta sig á hvernig ríkisstjórnin tengir fjölgun starfa í Reykjavík við fjármálageirann og mikla eftirspurn eftir vinnuafli þar við landsbyggðina. Þennan inngang mætti túlka á tvenna vegu, annars vegar sem óbeina skýrskotun til þess að missir starfa í sjávarútvegi skapi atvinnulausum möguleika á því að flytja á mölina og taka þátt í störfum þar sem eftirspurn er, hins vegar að hagvaxtarævintýrið fyrir sunnan hafi haft bein áhrif á að fólk hafi lítinn áhuga á sjávarútvegstengdum greinum.   ,.......og svo er ég auðvitað hundfúl að ekki er talað um Norðausturland, það er bara eins og það sé á Grænlandi en ekki Íslandi.